Abşerona olan sevgi ziyalıları bir araya topladı
Lala Ümidin "Ağabala" kitabının təqdimat gecəsi keçirilmişdir.
İnterval.Az -a açıqlamasında İnterval.Az -n baş redaktoru və Müəllif Hüquqları Uğrunda İctimai Birliyini-İdarə Heyəti Sədrinin müavini Zamiq Yunisov bildirib.
Cari ilin 19 Aprel tarixində filoloq-dilçi, MHUİB-in ( “Müəllif Hüquqları Uğrunda” İctimai Birliyinin) , Azərbaycan Rəssamlar İttifaqının, Azərbaycan Yazıçılar Birliyinin, Avropa Təbiət Elmləri Akademiyasının həqiqi eləcə də Türkiyə Elm və Ədəbi Əsər Sahibləri Birliyinin (İLESAM) üzvü Lala Ümidin (Bağırovanın ) sayca doqquzuncu olan “Ağabala” kitabının təqdimat gecəsi keçirilmişdir.
Lalə xanım Bakıda, ictimai xadim, Marlen Bağırovun ailəsində anadan olmuş, BDU-nin filalogiya fakültəsinin tərçüməçilik ixtisasını bitirib yaradıcılıq fəaliyyətinə başlamışdır. “Ağabala” müasir Azərbaycan yazıçısı Lalə Umudun hekayələr kitabıdır. Yazıçının bu günə qədər “Sevgi dərsi”, “Vicdanla sevdalaşma”, “İntuitsia”, “Cəhənnəmə gedən yolu necə tapdım”, “Zənglərin zamanı”, “Kirpiciklə Şirincikin macəraları” 1 və 2 hissə, “Kotlet adlı pisiklə Küftə adlı itin nağılı” kitablarının müəllifi olmuşdur.
Respublikanın əməkdar artisti, “Müəllif Hüquqları Uğrunda” İctimai Birliyi İdarə Heyyətinin sədri Gövhər Həsən-zadə gecəni açıq elan etdikdən sonra tədbir iştirakçıları müəllifin yaradıcılığından, onun bütün hekayələrində doğma Bakını təsvir etməsindən bəhs edən maraqlı çıxışlar etdilər. Əməkdar jurnalist, pedaqoq, “Azad Azərbaycan” Teleradio Şirkətinin Bədii Şura sədri, Bakı Slavyan Universitetinin professoru eləcə də MHUİB-nin üzvü (şair, tərcüməçi, drammaturq Az.YB-nin üzvü Adil Babayevin varisi) Etibar Babayev kitab haqqında öz dəyərli fikirlərini bu cür dilə gətirdi: ” Yazıçının ən sevimli mövzusu olan Abşerona sevgi, onu yazdığı hekayələrdə, sanki nəsillərin müdrikliyini, doğma xalqa sevgisini, xeyirxahlığını, kimliyini oxucuya sadə və çox səmimi dillə çatdırmışdır.” Sonra, MHUİB-nin daha bir üzvü (Azərbaycan görkəmli bəstəkarı, pianoçu, dirijor, Azərbaycan SSR xalq artisti, Azərbaycan caz və estrada musiqisinin banilərindən biri Tofiq Quliyevin varisi) Əməkdar İncəsənət Xadimi Lalə Quliyeva dəyərli fikirləri ilə bölüşdü: ” Burada hər sətir bir sevgi etirafıdır! Kitab insana ümidqarışıq rahatlıq gətirir, yüksək əhval-ruhiyyə yaradır. Hekayələr təkcə qəhrəmanların həyatının gözlənilməz şəkildə bəlli olması, incə psixoloji tərəfləri, bəzən mistik süjetlərlə deyil, həm də müəllifin yaşamaq haqqında tövsiyələri, Abşeron günəşinin gözəlliyindən zövq alması, sevgi hissləri aşılaması ilə maraqlıdır… ”
Gecədə azərbaycanlı tenor, opera ifaçısı, Azərbaycan Respublikasının xalq artisti , “Şou Plus” kanalın baş direktoru Samir Cəfərov, eləcə də kanalın prezidenti Malik Məmmədov, MHUİB-in İdarə Heyətinin üşvü, Respublikanın Əməkdar artisti, bəstəkar Vüqar Camalzadə, “Finlandiya -Azərbaycan Dostluğu” Cəmiyyətinin sədri Təranə Nəzərova, şair, jurnalist Azərbaycan Yazıçılar Birliyi İdarə Heyətinin üzvü, Azərbaycan Yazıçılar Birliyinin Mətbuat Xidməti və Türkiye İlm ve Edebiyyat Eseri Sahibleri Meslek Birliğinin (İLESAM) Beynəlxalq Əlaqələr bölməsinin rəhbəri Xəyal Rza və TİA.az-ın rəhbəri Əlişir Əhəd qonaqlar siyahısına daxil idilər. İran -bəstəkar və ifaçısı Arif Mehmandost öz ifası ilə gecəyə əsrarəngiz gözəllik qatdı. Xüsusilə dəyərli qələm ustamız şair, dramaturq, Azərbaycan Yazıçılar İttifaqının üzvü Nəriman Həsənzadənin sözlərinə bəstələdiyi “Qayıt” mahnısı tamaşaçılar tərəfindən böyük coşquyla qarşılandı.
Müəllif tədbir iştirakçılarına öz imzalı kitablarını təqdim edərək, bu dəyərli gündə ona dəstək verib iştirak etdikləri üçün eləcə də tədbirin təşkil olunmasında əziyyəti olan “İZ.Community”-yə dərin minnətdarlığını bildirdi. Sonda xatirə şəkilləri çəkildi.
Biz də MHUİB-nə və Lalə xanıma yaradıcılıq uğurları arzulayır, belə gecələrin daha çox olmasına ümid edirik.
Yıldıray Arslan
İnterval.Az
Məqaləyə dair foto materiallar:
Bütün xəbərlər
