İran ABŞ-a qarşı, britaniyalılar üz-üz
Bu gün DÇ-2022-də B qrupunda mübarizəyə yekun vurulacaq.
IntervalAz -a istinadən bildirir ki, qrup mərhələsinin III turunun hər iki oyunu eyni vaxtda start götürəcək.
1/8 finala iki vəsiqənin sahibinin müəyyənləşəcəyi qarşılaşmalarda bütün komandaların qrupdan çıxmaq şansı qalıb. Uelslə üz-üzə gələcək İngiltərəyə bunun üçün üç top fərqi ilə uduzmaq da yetər. Qaret Beyl və komandası britaniyalıların duelində qalib gəlməli, üstəlik digər qarşılaşmadan heç-heçə xəbəri gözləməlidir. Digər oyundan asılı vəziyyətə düşməmək üçün uelslilər möcüzə etməli və ən azı 4 top fərqi ilə qələbə qazanmalıdır.
Təkcə günün deyil, bəlkə də bütün qrup mərhələsinin ən prinsipial duelində İranla ABŞ qarşılaşacaq. Üç xal qazanacaq komanda 1/8 finala yüksələcək. Asiyalılara bir xal da kifayət edə bilər. Amma bunun üçün Uels qalib gəlməməlidir.
Qeyd edək ki, üç komanda II turdan sonra 1/8 finala yüksəlib. Bu yığmalar Fransa, Braziliya və Portuqaliyadır.
DÇ-2022, qrup mərhələsi
B qrupu
III tur, 29 noyabr
23:00. Uels – İngiltərə 0:0
23:00. İran – ABŞ 0:0
1 | İngiltərə | 2 | 1 | 1 | 0 | 6-2 | 4 |
2 | İran | 2 | 0 | 1 | 4-6 | 3 | |
3 | ABŞ | 2 | 0 | 2 | 0 | 1-1 | 2 |
4 | Uels | 2 | 0 | 1 | 1 |
Zamiq Yunisov
IntervalAz