İtaliyada koronavirusdan daha 431 nəfər dünyasını dəyişib

İtaliyada yeni növ koronavirusdan (COVİD-19) sutka ərzində 431 nəfər dünyasını dəyişib.

İnterval.Az xəbər verir ki, Trend-in “TASS”a istinadən verdiyi məlumata görə, bu barədə ölkənin Mülki Müdafiə Departamentindən bildiriblər.

Məlumata əsasən, ölkədə koronavirusdan ölənlərin ümumi sayı 19 899 nəfərə çatıb.

Bundan əlavə, ötən sutka ərzində daha 4 092 nəfərdə koronavirus aşkarlanıb, yoluxanların ümumi sayı 156 363 nəfərə çatıb.


Bütün xəbərlər