Binəqədidə 7 350 abonentin istifadə etdiyi qaz xətti yenilənir

Paytaxtın Binəqədi rayonu, İbrahimpaşa Dadaşov küçəsində 7 350 abonentin qaz təchizatının yaxşılaşdırılması, təbii qaza olan tələbatın fasiləsiz və təhlükəsiz şəkildə təmin edilməsi məqsədi ilə istismar müddəti başa çatan qaz xəttinin yenilənməsi işləri həyata keçirilir.

Bu barədə  “Azəriqaz” İstehsalat Birliyinin İctimaiyyətlər əlaqələr şöbəsinin rəisi Ceyhun Səfərov deyib. O bildirib ki, vaxtı ilə polad boru ilə çəkilmiş qaz xətti diametri 250 millimetr, uzunluğu 828 metr olan polietilen boru ilə əvəz olunur:

“Bundan başqa, müxtəlif diametrli 400 metr uzunluğunda yan xətlərin çəkilməsi işləri də icra edilir. Təmir işlərinin qısa müddətdə başa çatdırılması məqsədi ilə sözügedən əraziyə çox sayda maşın-mexanizmlər və işçi qüvvəsi cəlb olunub”.


Bütün xəbərlər