Azərbaycan və Türkiyə prezidentləri Qazaxıstandakı vəziyyəti müzakirə ediblər

Türkiyə prezidenti Rəcəb Tayyib Ərdoğan Türk Dövlətləri Təşkilatına üzv ölkələrin liderlərilə telefon vasitəsilə əlaqə saxlayıb.

Bu barədə Interval.az -a  Türkiyə prezidenti administrasiyasından məlumat verilib.

Söhbət zamanı Qazaxıstanda baş verən son hadisələr müzakirə edilib.

Dövlət başçısı Qazaxıstan prezidenti Kasım-Jomart Tokayevlə danışıqlar zamanı ölkədə cərəyan edən proseslərdən narahatlığını dilə gətirib və yeni hökumətin tezliklə qurulmasının vacibliyini vurğulayıb. Ərdoğan Tokayevə Türkiyənin lazım gələrsə, təcrübə və texniki biliklərini Qazaxıstanla bölüşməyə hazır olduğunu bildirib.

Həmçinin, Türkiyə prezidenti Azərbaycan, Qırğızıstan və Özbəkistan dövlət başçıları İlham Əliyev, Sadır Japarov və Şavkat Mirziyoyevlə söhbəti zamanı Qazaxıstanın dialoq vasitəsilə problemlərin öhdəsindən gələcəyinə əmin olduğunu ifadə edib.

Qeyd edək ki, hazırda təşkilata məhz Türkiyə sədrlik edir.

Yıldray Arslan.

Interval.az


Bütün xəbərlər