Maliyyə Monitorinqi Xidmətinin Nizamnaməsində dəyişiklik edilib – Fərman

Interval.Az bildirir ki,  Prezident İlham Əliyev Azərbaycan Respublikası Prezidentinin 2018-ci il 18 iyul tarixli 215 nömrəli Fərmanı ilə təsdiq edilmiş “Azərbaycan Respublikası Maliyyə Monitorinqi Xidmətinin Nizamnaməsi”ndə dəyişiklik edilməsi haqqında fərman imzalayıb.

Dəyişikliyə əsasən İdarə Heyəti Xidmətə rəhbərliyi və nəzarəti həyata keçirir. İdarə Heyətinin tərkibi üç üzvdən İdarə Heyətinin sədrindən və onun iki müavinindən ibarətdir. İdarə Heyətinin sədrini və onun müavinlərini Azərbaycan Respublikasının İqtisadiyyat nazirinin təqdimatı ilə Azərbaycan Respublikasının Prezidenti vəzifəyə təyin və vəzifədən azad edir. İdarə Heyətinin səlahiyyət müddəti 5 ildir.

Nazirlər Kabinetinə bu Fərmandan irəli gələn məsələləri həll etmək tapşırılıb.

Zamiq Yunisov

Interval.Az


Bütün xəbərlər