Bakıda soyğunçuluq edən Şirvan sakini saxlanıldı
Bakıda soyğunçuluqda şübhəli bilinən Şirvan şəhər sakini saxlanılıb.
İnterval.Az-ın məlumatına görə, bu barədə Milli.Az Daxili İşlər Nazirliyinə (DİN) istinadən xəbər verir.
Məlumata əsasən, Nəsimi RPİ-nin 19-cu Polis Şöbəsinə müraciət edən Bakı şəhər sakini D.Nəsirov yanvarın 12-də saat 9 radələrində Cavadxan küçəsi ev 28-in qarşısında 1 nəfərin ona zor tətbiq edərək mobil telefonunu aldığını bildirib.
Keçirilmiş əməliyyat-axtarış tədbirləri nəticəsində soyğunçuluğu törətməkdə şübhəli bilinən Şirvan şəhər sakini, əvvəllər məhkum olunmuş E.Məmmədov müəyyən edilərək polis əməkdaşları tərəfindən saxlanılıb.
Araşdırma aparılır.
Bakıda soyğunçuluq edən Şirvan sakini saxlanıldı üçün şərhlər bağlıdır
Bütün xəbərlər
