Çövkən üzrə Prezident Kuboku uğrunda yarışlar keçiriləcək.
15-24 dekabr 2023-cü il
İnterval.Az bildirir ki, Azərbaycan Respublikası Atçılıq Federasiyasının təşkilatçılığı ilə 15-24 dekabr 2023-cü il tarixlərdə Binə Atçılıq Mərkəzində, Çövkən üzrə Prezident Kuboku uğrunda yarışlar keçiriləcək.
Yarışda yalnız milli cins atların – Qarabağ və Dilbaz atlarının iştirakı ilə Prezident Kuboku uğrunda yarışlar təşkil olunacaq.
Çövkən üzrə Prezident Kuboku uğrunda mübarizədə 2 qrup olmaqla “Sərhədçi-Dilbaz”, “Şirvan”, “Sərhədçi-Qarabağ”, “Zəfər”, “Polad”, “Embavood”, “Köhlən” və “Omar” çövkən komandaları iştirak edəcəkdir.
Çempionata 15 dekabr saat 10:00-da start veriləcək.
Günün 3 oyunu 10, 11 və 12-də ardıcıllıqla baş tutacaq.
Daha sonra 15:00-da təntənəli açılış mərasimi təşkil olunacaq.
1 saatlıq rəsmi hissədən sonra 16:00-da günün sayca 4-cü və son qrup oyunu keçiriləcək.
17 və 19 dekabr 2023-cü il tarixdə hər gün 4 oyun olmaqla Prezident Kubokunun digər 8 qrup oyunu səhər 10:00-dan etibarən oynanılacaqdır.
21 Dekabr 2023-cü il tarixdə saat 10:00 və 11:00-da qruplar arasında yarımfinal oyunu keçiriləcəkdir.
23 Dekabr 2023-cü il tarixdə Çövkən üzrə Prezident Kuboku oyunun 3-cülük uğrunda oyunu keçiriləcək.
3-cülük uğrunda oyun 10:00-da başlayacaqdır.
24 Dekabr 2023-cü il tarixdə Final oyunu keçiriləcəkdir.
14 Dekabr 2023-cü il tarixdə saat 12:00-da Sərhədçi İdman Mərkəzinin 3-cü mərtəbəsində Akt zalında mətbuat konfransı keçiriləcəkdir.
Mətbuat konfransında Çövkən üzrə Prezident Kubokunun püşkatması da təşkil olunacaqdır.
Zamiq Yunisov
İnterval.Az
Bütün xəbərlər
