Qaraciyərin vəziyyətinin yaxşı olmamasını hiss elətdirən 10 simptom
Müasir həyatdakı ayaqüstü qəlyanaltı etmələr, pis ekologiya, dolu bayram süfrələri, çox da sağlam olmayan qida və alkoqol ilə biz qaraciyərə nə qədər zərər verdiyimiz haqqında nadir halda düşünürük. O, həqiqətən də, ağır işçi vəzifəsini daşıyır. Beləki, orqanizmin təmizliyinin qorunması üçün məsuliyyət onun üzərinə düşür. Orqanizmdən qeyri-sağlam qida, spirtli içikilər və dərman preparatlarının qəbulundan yaranan toksinləri təmizləyərək xaric edir.
Toksinlərin hədsiz çox olması nəticəsində, qaraciyərin fəaliyyəti pozulur və öz funksiyalarını (həzm prosesinin tənzimlənməsi, qanda şəkərin və xolesterolun səviyyəsi zülalın istehsalı ) normal icra edə bilmir.
Çox zaman qaraciyər probləmləri gizli formada olaraq özü haqqında “bilgi” vermir. Buna baxmayaraq qaraciyərdə narahatlıqların yaranmasının bir neçə əlamətləri vardır və özünü göstərı bilir.
Qaraciyər xəstəliklərinin əlamətləri:
1. Ümumi zəiflik və iştahsızlıq.
2. Tez-tez rəngin bəyaz və ya boğuq olması.
3. Dərinin vəziyyəti sürətlə pisləşib: həddindən artıq quruluq və ya yağlılıq yaranması. Kiçik qızartılıq və sızanaqlar yaranıb.
4. Ağızda yeməkdən sonra acılıq hissi.
5. Mədədə yağlı yeməkdən sonra ağrı hissləri.
6. Sağ qabırğanın altından ağrı hissləri.
7. Yağlanma (piylənmə) nəticəsində əmələ gələn sallaq qarın.
8. Bədəndə çoxlu sayda lipomaların yaranması – ciyərin yorğunluğundan xəbər verən əlamətlərdən biridir.
9. Dilin üzərində ərp və yaraların yaranması.
10. Gözlərin bəyaz hissəsi sarı rəng almağa başlayır.
Qaraciyərin dəyəri yüksək və qiymətsizdir. Ona görə də, bütün bu əlamətlər olduğu halda laqeyd yanaşmaq doğru deyildir.
Bütün xəbərlər
