Səfirlik Azərbaycanda müvəqqəti qalan Gürcüstan vətəndaşlarına müraciət edib

Gürcüstanın Azərbaycan Respublikasındakı Səfirliyi Azərbaycanda müvəqqəti qalan Gürcüstan vətəndaşlarına müraciət edib.

Səfirlikdən Trend-ə verilən məlumata görə, müraciətdə deyilir:

“Son günlər Azərbaycan-Gürcüstan dövlət sərhədinin “Qırmızı Körpü” sərhəd-keçid məntəqəsində qeyri-ordinal vəziyyət yaranmışdır.

Xüsusilə, Azərbaycan Respublikasında müvəqqəti qalan Gürcüstan vətəndaşları, mövcud qaydalardan yayınaraq, Gürcüstan səfirliyi ilə koordinasiya yaratmadan, razılaşdırmadan, nizamsız olaraq vətənə qaytmağa çalışırlar. Qeyd olunan cəhdlər həm logistika, həm də epidemioloji təhlükəsizlik baxımından çətin problemlərə səbəb olmuşdur.

Yaranmış çətin vəziyyəti nəzərə alaraq, Azərbaycan Respublikasında müvəqqəti qalan Gürcüstan vətəndaşlarına bir daha müraciət edərək, Azərbaycan Respublikasında qüvvədə olan karantin qaydalarına ciddi əməl etməyə və vətənə qayıtmaq üçün əvvəlcədən Səfirlikdə qeydiyyatdan keçməyə çağırırıq.

COVİD 19 virusuna qarşı mübarizə prosesində, Azərbaycan Respublikası və Gürcüstan arasında sərhədin bağlı olduğu şəraitdə, Azərbaycan Respublikası ərazisində müvəqqəti qalan Gürcüstan vətəndaşlarının geri qayıtmaqları mərhələli şəkildə, yalnız əvvəlcədən Səfirlikdə qeydiyyatdan keçməklə həyata keçiriləcək.

Yuxarıda göstərilənləri nəzərə alaraq, bir daha Azərbaycan Respublikası ərazisində müvəqqəti qalan Gürcüstan vətəndaşlarına müraciət edərək, onların mütəşəkkil, təhlükəsiz, mərhələli şəkildə geri qayıtmaqları prosesini davam etdirmək üçün, əvvəlcədən Səfirlikdə qeydiyyatdan keçməklərinə çağırırıq.

Ünvan: Bakı şəhəri, Nərimanov rayonu, Yaşar Hüseynov küç. 13/15
Əlaqə telefonları: 050 250-07-10 (Qaynar xətt) 012 497-45-60″.


Bütün xəbərlər